Presidentja e Komisionit Europian Ursula Von der Leyen është shprehur se ka ardhur koha për vendet anëtare të bashkimit europian që të konsiderojnë vaksinën e detyruar. Reagimi i Von der Leyen vjen pas variantit të ri Omicron, I cili duket se ka vënë nën alarm të gjithë botën, pas shfaqjes së rasteve të para në Gjermani dhe Itali. ‘Nga njëra anë është virusi dhe mutacionet e tij, nga ana tjetër është mundësia për tu vaksinaur, dhe unë dua që të fitojë kjo e dyta’, u shpreh Presidentja e Komisionit Europian për mediat belge. Jo të gjithë duhe të vaksinohen me patjetër, por të rriturit, duke iu referuar moshave pak më të rrezikuara, duhet të vaksinohen me patjetër’, shtoi Von der Leyen. Presidentja e Komisionit Evropian konfirmoi që deri në mars të vitit 2022, BE-ja do të pranojë edhe 360 milionë doza shtesë të vaksinës Pfizer dhe Moderna kundër koronavirusit. Sipas saj, BE-ja arriti marrëveshje me kompaninë Pfizer/ BioNTech që të përshpejtohet prodhimi i vaksinave për fëmijë, që do të duhej të ishin të qasshme nga 13 dhjetori i këtij viti.