Duket sikur hapësira po ruan më të mirën e saj për fundin e 2021 pasi ardhja e një komete të zbuluar rishtazi, Leonard, do të jetë një nga eventet më mahnitëse të vitit. Kometa e zbuluar nga Greg Leonard në universitetin e Arizonës, u dallua së pari në observatorin e malit Lemmon, pranë Tuksonit të Arizonës, më 3 janar. Ekspertët thonë tani se kometa nuk do të jetë më spektakolarja në histori por do të jetë sigurisht më e shndritshmja e këtij viti. Me ndihmën e dylbive apo teleskopëve, njerëzit mund ta shohin atë që tani në qiell ndërkohë që pas pak ditësh, kometa do të shihet edhe me sy të lirë, në një event që ndodh vetëm një herë në jetë. Edhe pse kometa është zbuluar së fundmi, ajo nuk do të qëndrojë përreth për shumë kohë. sipas ekspertëve, ajo do të dalë së shpejti nga sistemi ynë diellor për të mos u kthyer më kurrë. Deri më 13 dhjetor, kometa mund të shihet herët në mëngjes me dylbi apo teleskop, pas kësaj date, ajo mund të shihet edhe me sy të lirë dhe do të shfaqet pranë afërditës.