Ardian Ismajli dhe Adrion Pajaziti nuk do të mund të luajnë dy ndeshjet e radhës së Kombëtares shqiptare; atë me Serbinë dhe miqësoren me Jordaninë. Të dy futbollistët kanë pësuar dëmtime me klubet e tyre respektive dhe pas ekzaminimeve mjekësore me stafin mjekësor të kombëtares u arrit në përfundimin se ata nuk do të mund të rikuperohen në kohë për këto dy ndeshje. Ndërkaq, pasditen e së hënës Kombëtarja shqiptare ka nisur zyrtarisht punën për dy ndeshjet e saj të radhës. Në seancën e parë stërvitore, futbollistët ishin më pak të ngarkuar duke qenë se ata vinin pas ndeshjeve të fundjavës me klubet e tyre respektive dhe fokusi ishre të ushtrimet fizike më shumë Kombëtarja shqiptare do të luajë ndaj Serbisë në 11 tetor në stadiumin Dubocica në Leskovc, një sfidë kjo shumë e rëndësishme për ecurinë e skuadrës sonë përfaqësuese në kualifikueset e Botërorit 2026. Ndërsa në 14 tetor, kuqezinjtë do të presin Jordaninë në një ndeshje miqësore në Air Albania Stadium dhe të dyja këto ndeshje do të transmetohen në platformën Digitalb