Kombëtarja shqiptare do të luajë këtë të mërkurë një ndeshje miqësore me Izraelin me kuqezinjtë që shkojnë në këtë ndeshje me një staf teknik të ri që i drejton. Kapiteni Berat Gjimshiti në konferencën për shtyp në prag të kësaj sfide tha se është i motivuar dhe se skuadra është gati për këtë cikël të ri U kthyem nga një humbje e rëndësishme dhe me objektiva të qarta për të arritur atë gjë që sigurisht në moment të fillimit të kualifikueseve ishte pak i pamundur. Po pastaj siç shkoi gjithë rrugëtimi, të gjithë ishim të bindur që mund ta arrijmë. Do ishte e bukur për ne si kombëtare dhe shtet. Prapë rifillim dhe me staf të ri. Jemi të motivuar, i gjithë grupi pothuajse i njëjti me disa lojtarë të rinj. Jemi stërvitur shumë mirë këto ditë dhe do jemi gati për këtë cikël të ri. Gjimshiti theksoi se të gjithë do të kërkojnë të japin maksimumin dhe të bëjnnë në fushën e lojës atë që trajneri kërkon