Kina po prodhon armë që kontrollojnë trurin e që mund të përdoren për të paralizuar dhe kontrolluar kundërshtarët në vend që t’i vrasë ata. Aludimi vjen nga SHBA. Amerika i ka vendosur sanksione akademisë kineze të shkencave mjekësore ushtarake dhe 11 instituteve të kërkimit të lidhura me të për përdorim të bioteknologjisë në mbështetje të forcave të armatosura, përfshirë armatimet që kontrollojnë trurin. Departamenti amerikan i tregtisë, që ka përfshirë institutet kineze në listën e zezë, nuk hyn shumë në detaje për armët, por një dosje e ndarë dokumentash ushtarake jep disa detaje për atë cka pekini po përpiqet të arrijë. Në vend që të shkatërrojë trupat, kina po fokusohet tek paralizimi dhe kontrolli i kundërshtarëve duke sulmuar vullnetin e armikut për të bërë rezistencë – thotë raporti. Departamenti i tregtisë i vendosi sanksionet mbi institutet kineze javën e shkuar dhe dokumentet e vitit 2019 janë siguruar dhe përkthyer nga Uashington Times. Akademia ushtarake e shkencave dhe degët e saj janë tani në listën e zezë, cka do të thotë se kompanitë amerikane nuk mund të eksportojnë apo transferojnë mallra drejt tyre pa një leje të posacme. E kjo vjen edhe në mesin e paralajmërimeve nga departamente të tjera të qeverisë amerikane drejtuar kompanive, se kina po përpiqet të shtijë në dorë teknologjinë amerikane në pesë sektorë kycë, përfshirë bioteknologjinë.