Gati më shumë se një vit nga arrestimi i tij në Gjermani, këtë të shtunë autoritetet gjermane ekstraduan drejt vendit tonë Fabio Ballabanin, 38 vjecarin e shpallur në kërkim për veprën penale “Goditje ndaj pjesëtarëve të familjes së personit që kryen një detyrë shtetërore”, kryer në kuadër të grupit të strukturuar kriminal. Ndaj tij, Gjykata e Posaccme Antikorrupsion ka caktuar masën “Arrest në burg” në mungesë, pasi hetimet e prokurorisë treguan se Fabio Ballabani ishte personi që dhunoi dhe kërcënoi me jetë bashkëshortin e gjyqtares së Apelit të Posaccëm Saide Dollani. I njohur si ushtar i bandës së Emiljano Shullazit, Ballabani në vitin 2019 i drejtoi armën në gojë Kristaq Priftit, bashkëshortit të gjyqtares, duke i thënë atij, ‘ti me atë tët shoqe mos harro se ke dy fëmijët në Francë’. Kërcënimi erdhi pasi gjyqtarja Dollani nuk pranonte të largohej nga procesi ky gjykohej Emiljano Shullazi së bashku me 38 vjecarin. Urdhrin për dhunimin dhe kërcënimin e Kristaq Priftit e dha ky i fundit nga qelia, pasi dicka e tillë u fakua më vonë nga zbardhja e komunikimeve në apikacionin Sky Ecc. Grupi i Emiljano Shullazit kishte kërkuar rreth 12 herë që gjyqtarja të tërhiqej nga dosja e tyre, por kjo e fundit nuk kishte pranuar duke dashur ti shkojë deri në fund gjykimit. Prokuroria e Posaccme zbuloi se Shullazi ka patur rolin e porositësit të dhunës, ndërsa zbatues të urdhrit kanë qenë Fabio Zyberaj alias Ballabani dhe një person tjetër i paidentifkuar, i cili ka pasur rolin e shoferit për të larguar Zyberajn nga vendi i ngjarjes. 38 vjecari do dalë brenda 72 orëve për vlersimin e kushteve të masës së sigurisë përpara gjykatës së posacme antikorrupsion.