Gjermania po përjeton një situatë dramatike për shkak të përmbytjeve masive me pasoja të rënda në humbjet e jetëve njerëzore. Deri më tani autoritetet thonë se janë konfirmuar 93 viktima dhe më shumë se 1300 njerëz rezultojnë të zhdukur. Landet gjermane Rajnland Falc dhe Nordrajn Vesthalen janë më të goditurat, por edhe Belgjika dhe Holanda janë prekur nga përmbytjet, ndërsa pasojat I kanë ndjerë edhe Luksemburgu dhe Zvicër. Autoritetet belge kanë raportuar për së paku 11 persona të vdekur. Ndërkohë Kancelarja gjermane Angela Merkel, e cila ndodhet për një vizitë në Uashington i përshkroi përmbytjet vdekjeprurëse si një "katastrofë".