Vijojnë polemikat rreth Botërorit të Katarit që do të zhvillohen vitin e ardhshëm. Dy gazetarë të televizionit publik norvegjez, NRK, ekeland dhe Lokman Ghobani u liruan pasi qëndruan 32 orë në gjendje arresti nga autoritetet në Katar ku ata kishin shkuar për të bërë një reportazh për Botërorin e futbollit të vitit 2022. vetë televizioni i vendit skandinav konfirmoi gjithcka këtë të mërkurë. Sipas NRK, gazetarët duhej të ktheheshin në vend ditën e diel, por u mbajtën në qeli dhe iu sekuestruan edhe pajisjet e tyre të punës për arsye që ende nuk janë qartësuar. 'Na arrestuan në mesnatë dhe na liruan në mesditën e së martës, ishin 32 orë. Është një situatë e pakëndshme dhe problematike-tregoi Ekeland, një prej gazetarëve për kanalin televiziv, Halvor pasi mbërriti në Kopenhagë ku më pas mori fluturimin për në Oslo. Ekeland dhe Lokman Ghorbani udhëtuan drejt Katarit në 14 nëntor dhe një ditë më pas kishin një takim me Abdulla Ibhais, një kritik i regjimit në vend, që u arrestua nga autoritetit disa orë përpara se të jepte intervistën e tij për NRK. Qeveria norvegjeze konfirmoi episodin dhe theksoi se nuk u ngritën akuza kundër gazetarëve si dhe vënë në dukje rëndësinë që kishte kryerja e punës së tyre.