Rusia do të dërgojë ata që po quhen në mediat perëndimore ‘Kasapët e Buchas’ sërish në zonën e luftës pasi masakruan me qindra civilë dhe përdhunuan fëmijë– thanë zyrtarët ukrainas. Pjesëtarët e brigadës së 64 të motorizuar u tërhoqën nga Bucha javën e kaluar dhe kanë mbërritur tani në Mazyr, në Bjellorusi – konfirmon ministria ukrainase e mbrojtjes. Këto trupa lanë pas një varg vdekjesh dhe shkatërrim me autoritetet ukrainase që zbuluan disa varre masive dhe kufoma nëpër rrugë kur rimorën kontrollin e rajoneve përreth Kievit. Një raport i ministrisë ukrainase të mbrojtjes thotë se komandantët rusë po refuzojnë të kthejnë në shtëpi për rotacion brigadat e tyre, cka do të thotë se trupat janë tashmë në rrugë drejt Belgorodit në rusinë perëndimore, për tu ridislokuar në luftë. Ministria pretendon se trupat po cohen në pikat e nxehta si Kharkivi me shpresën se ata do të vriten nga luftëtarët ukrainas para se të mund të dëshmojnë para ndonjë gjykate kriminale.