Policia ka konfiskuar një seri kartmonedhash të fallsifikuara në një cilësi shumë të lartë, në një zyrë printimi në universitetin e kryeqytetit bullgar, Sofje. Në një operacion të përbashkët me shërbimin sekret amerikan, policia bullgare arrestoi dy persona, punonjës të universitetit, dhe konfiskoi një printer dhe pajisje të tjera për printimin e parave, bashkë me një sasi të madhe dollarësh amerikanë dhe eurosh të fallsifikuara. “Vlera e kartmonedhave të konfiskuara është e madhe. Të dhënat flasin për një aktivitet serioz kriminal”, tha shefi i policisë së sofjes, Georgi Hadzhiev. Zyra e prokurorit tha se sasia e parave fallse të konfiskuara është 4 milionë dollarë dhe 3.6 milionë euro. Policia beson se dy të dyshuarit janë pjesë e një sipërmarrjeje më të madhe kriminale, të angazhuar në trafikun e dollarëve fallsë në ukrainë dhe të eurove në evropën perëndimore. Dy të arrestuarit janë një 48 vjecar dhe një grua 54 vjecare, që i kishin bërë kartmonedhat pas pune dhe gjatë ditëve të pushimit. Ata paguheshin me 10 për qind të vlerës së kartmonedhave fallse që prodhonin e që në një shikim të parë ishin të një cilësie relativisht të mirë – thanë zyrtarët duke konfirmuar edhe se nuk kishin të dhëna të mëparshme kriminale. Policia e sofjes tha po ahstu se nuk kishte prova se drejtuesit e universitetit ishin në dijeni të asaj që ndodhte atje.