“Klani Cela-Çopja ishte një nga organizatat më të fuqishme të krimit në Evropë, vendimet e të cilit diktonin çmimin e kokainës në të gjithë kontinentin”, kështu e nis shkrimin media britanike The Telegraph që I ka kushtuar këtij rrjeti që kontrabandoi kokainë me miliarda euro nga Amerika Latine në Evropë. E organizuar nga krerët e saj Franc Çopja, 33 vjeç, dhe Ervis Cela, 41 vjeç, banda shqiptare pastroi asetet e saj përmes një perandorie të gjerë tregtare që përfshinte sipërfaqe të mëdha pasurish të paluajtshme, një vendpushim turistik me pesë yje, vila dhe apartamente, shkruhet në artikull, ndërsa theksohet më tej se “Lordët e drogës grumbulluan sasi kaq të mëdha parash saqë madje u grindën nëse ishte më mirë t’i fshihnin kartëmonedhat nën rrënjët e ullinjve apo t’i shndërronin në lingota ari.”. Perandoira që u shkatrrua brenda pak dotësh nga ana e SPAK, me Çopjën e Çelën të arrestuar, media britanike bën një parantezë të të gjithë hetimit, që nisi në vitin 2021, pas zbërthimit të mesazheve të koduara në SkyECC. Çopja konsiderohet si truri I të gjithë organizatës. Karteli, thuhet se, kontrollonte të gjithë zinxhirin e trafikimit të kokainës – nga prodhimi dhe përpunimi në laboratorë në Paraguai, te transporti dhe shpërndarja ndërkombëtare në tregjet evropiane, dhe së fundmi te pastrimi dhe qarkullimi i të ardhurave të paligjshme në Shqipëri dhe vende të tjera.