Samir Rosales Rodriguez, i cili ishte pjesë e grupit që transportonte dhe përpunonte kokainë në banesën e ish-kreut të Komunës në Frakull të Fierit, Viktor Çervanakut, është arrestuar në Kolumbi. Njoftimi arrestimi të tij, i njohur ndryshe dhe me emrin Kimisi u bë nga mediat kolumbiane, të cilat sqaruan se autoritetet vendase bashkëpunuan me zyrën kombëtare të Interpolit në Kolumbi, Ekuador e Shqipëri për operacionin. Sipas informacionit të dhënë nga drejtori i Policisë Kombëtare në llogarinë e tij në X, Rosales, me kombësi kolumbiane, ishte i specializuar në drejtimin e punëve teknike për nxjerrjen e kokainës në Evropë, duke përdorur metoda të destinuara për të fshehur substancën mes produkteve të ndryshme. Ai kërkohet nga autoritetet shqiptare për akuzën e trafikimit të drogës dhe pjesëmarrjes në një organizatë kriminale. Nga hetimet e kryea SPAK zbuloi se ai shërbente si ndërlidhës midis organizatave mafioze shqiptare të pranishme në Amerikën e Jugut dhe strukturave lokale të trafikimit të drogës. Rosales mbikëqyri drejtpërdrejt logjistikën e dërgesave të shumta të kokainës të transportuara nga amerika Latine dhe të gfshehura në plehra organikë.