Më shumë se 1500 fluturime në të gjithë globin janë anuluar të dielën duke sjellë akoma më shumë kaos dhe mjerim për udhëtarët që kishin planifikuar të udhëtonin në periudhën festive. Deri në 5900 fluturime janë anuluar në mbrëmjen e krishtlindjes, ditën e krishtlindjes dhe ditën pas saj, thotë ëebsite i gjurmimit të të dhënave, FlightAëare. Aeroportet kineze dhe ato amerikane janë goditur më rëndë. Të tjera telashe priten në vazhdim edhe të hënën. Kompanitë kanë fajësuar mungesën e stafit dhe variantin omicron të koronavirusit që po përhapet shpejt. Ato thonë se anulimet janë rezuktat i ekuipazhit që po rezulton pozitiv ose po detyrohet të vetëizolohet. Pavarësisht zbulimeve fillestare se Omicron është më i butë se variantet e tjera, shkencëtarët janë të shqetësuar nga numri i lartë i infektimeve që po regjistrohet. Më shumë se 450 fluturime për në ose nga aeroportet amerikane, u anuluan të dielën. Kompanitë më të goditura në shba janë delta, united dhe JetBlue. Sidoqoftë, aeroporti më i prekur në botë duket se është ai në kinën lindore, me më shumë se 350 fluturime të anuluara të dielën. Edhe nga aeroporti heathroë i londrës u anuluan të dielën 56 fluturime ndërsa në total, që nga e premtja, kompanitë ajrore kanë anuluar 5700 fluturime.