Ministrja e Jashtme e Kanadasë, Mélanie Joly, i ka thënë BBC-së se beson se Kanadaja mund ta fitojë luftën tregtare e cila u ndez nga një seri tarifash të urdhëruara nga presidenti amerikan Donald Trump. “Ne jemi klienti më i madh i SHBA-së”, tha Joly për programin e fundjavës së shërbimit botëror të BBC-së. “Ne blejmë më shumë nga amerikanët sesa Kina, Japonia, Britania e Madhe dhe Franca së bashku”. Joly tha se tarifat dhe çmimet e rritura janë një prioritet për kanadezët ndërsa votuesit përgatiten të shkojnë në qendrat e votimit për të zgjedhur një kryeministër të ri këtë vit. Presidenti amerikan ka vendosur tarifa 25% për importet e çelikut dhe aluminit nga Kanadaja. Trump është zotuar gjithashtu të vendosë një gamë të gjerë tarifash "reciproke" më 2 prill. Joly tha sse ekonomitë amerikane dhe kanadeze janë kaq të ndërthurura, por ata kanë ndikim më të madh. Ajo vuri në dukje se dhimbjen nga tarifat nuk e ndjejnë vetëm kanadezët, por edhe "amerikanët punëtorë". “Ne mendojmë se në fund të fundit të vetmit që do të jenë në gjendje të na ndihmojnë të fitojmë këtë luftë... janë vetë amerikanët sepse janë ata që mund të dërgojnë një mesazh te ligjvënësit e tyre”, tha ajo për BBC.