Më shumë se 500 sirianë, disa prej të cilëve dyshohet se kanë lidhje me militantët e grupit të Shtetit Islamik, janë larguar të hënë nga kampi i mbipopulluar I Al-Holit. Kampi I menaxhuar nga kurdët ndodhet në verilindje të vendit, tashmë të shkatërruar nga lufta.Një gazetar i agjencisë franceze AFP, pa dhjetëra gra duke zhvendosur sendet e tyre në kamionë dhe të tjera duke ushqyer fëmijët para nisjes.Lajmin për largimin e qindra sirianëve e ka konfirmuar Sheikhmous Ahmad, një zyrtar kurd, që kontrollon këtë kamp.Ai tha se 515 njerëz nga 120 familje, po ktheheshin në zonat në lindje të provincës Deir Ezzor. Të njëjtin pohim bëjnë edhe organizata që merren me të drejtat e njeriut. Në fund të tetorit, u arrit të nxirreshin nga ky kamp, një grua e mbetur në karrocë invalidësh per shkak të disa plagëve në trup, Floresha Rasha dhe tre fëmijet e saj, si dhe Endri Dumani. Kryeministri Edi Rama udhëtoi drejt LIbanit për të mundësuar riatdhesimin e tyre. Nga I njëjti kamp, disa muaj më parë u arrit mes shumë vështirësish të nxirrej edhe vogëlushi shqiptar Alvin Berisha, historia e trishtë e të cilit preku zemrat e të gjithëve. Mbi 50 shqiptarë janë ende në të ashtquajturin “kampi I ferrit”. Në Al Hold he kampe të tjera të Sirisë, sipas Institutit për Siguri dhe Integrim në Prishtinë, janë edhe gati 100 persona nga Kosova, në mesin e të cilëve edhe gra e fëmijë. Pamjet: AFP