Ushtria izraelite tha se rrëzoi një raketë të lëshuar nga Jemeni. Raketa u pikas nga sistemet e mbrojtjes dhe u rrëzua para se të hynte në territor. Sulmi paraqet një përshkallëzim të situatës mes Izraelit dhe rebelëve jemenas, Huthi, të cilët mbështeten nga Irani. Sipas Radio Evropa e Lirë rebelët jemenas morën përgjegjësinë për sulmin, duke thënë se grupi gjuajti një raketë balistike në drejtim të aeroportit Ben Gurion, afër Tel Avivit. Sulmi çoi në pezullimin e trafikut ajror në këtë aeroport për disa minuta. Megjithatë, autoriteti që menaxhon aeroportet në Izrael tha se aeroporti nuk u prek. Zëdhënësi i rebelët Huthi – grup i shpallur terrorist nga Shtetet e Bashkuara – pa ofruar asnjë provë, pretendoi se rebelët të dielën kishin kryer sulme ndaj aeroplanmbajtësit amerikan, USS Harry S. Truman, në Detin e Kuq. Rebelët Huthi së fundi janë zotuar se do të përshkallëzojnë sulmet, përfshirë sulmet ndaj Izraelit, në përgjigje të sulmeve të kryera nga SHBA-ja më herët gjatë këtij muaji, që përbëjnë operacionin më të madh ushtarak të SHBA-së në Lindjen e Mesme që kur presidenti Donald Trump u kthye në Shtëpinë e Bardhë në janar, shkruan Radio Evropa e Lirw.