Imagjinoni këtë: një ekip special operacional ka ngritur një pikë vëzhgimi në një kodrinë në territor armik. Misioni i ekipit është të sigurojë mbikqyrjen e terroristëve që planifikojnë një sulm nga kampi i tyre dhe më pas, marrja në shënjestër e komandantit pasi përgatitjet të kenë arritur kulmin. Në kamp, komandanti beson se ambjenti përreth nuk mbart rrezik. Atje ka pak mundësi për tu fshehur dhe ushtarët e tij janë të pajisur me syze që shohin edhe natën e që nuk do të humbisnin asnjë kërcënim. Trupat e njësisë operacionale duhet të kamuflohen dhe e bëjnë këtë më së miri. Ekipi me zor mund të shihet ditën, ndërkohë që natën është e pamundur të pikaset. Ky skenar, mund të bëhet i mundur falë një materiali të ri kamuflazhi, Kit 300, të zhvilluar nga një kontraktor i ushtrisë izraelite. Kit 300 është një kamuflazh termal, i përbërë nga materiale të avancuara që bllokojnë nxëhtësinë e trupit të një ushtari. Kjo i bën ata të padukshëm për sensorët e shikimit gjatë natës, që dekadat e fundit janë bërë gjithnjë e më të disponueshme për grupet terroriste. Kamuflazhi Kit 300 mund ti japë tani NATO-s dhe aleatëve të saj, jo pak avantazhe. Kontraktori i ushtrisë izraelite, e ka mbajtur gojën të kycur për sa i takon përbërjes së Kit 300, duke thënë vetëm se ai përbëhet nga mikrofibra, metale dhe polimere. Materiali mund të mbulojë edhe struktura shkëmbore pas të cilave ushtarët mund të fshihen. Madje ai mund të fshehë edhe automjete të mëdha, përfshirë Hammerat e ushtrisë. Me pak fjalë, Kit 300 i bën ushtarët të padukshëm, dhe ky është një avantazh i madh në luftime.