Ministri izraelit i mbrojtjes ka paraqitur plane për të detyruar të gjithë palestinezët në Gaza të hyjnë në një kamp që do të ngrihet mbi rrënojat e Rafahut, në një skemë që ekspertët ligjorë dhe akademikët e përshkruan si një plan për krime kundër njerëzimit. Israel Katz tha se ka urdhëruar ushtrinë izraelite të përgatitet për ngritjen e një kampi, të cilin e quajti një "qytet humanitar", mbi rrënojat e qytetit të të Rafahut, raportoi gazeta Haaretz. Palestinezët do të kalojnë nëpër një "kontroll sigurie" para se të hyjnë në kamp dhe pasi të hyjnë brenda nuk do të lejohen të largohen, tha Katz në një konferencë për shtyp. Forcat izraelite do të kontrollojnë perimetrin e vendit dhe fillimisht do të "zhvendosin" 600,000 palestinezë në zonë, kryesisht njerëz të zhvendosur aktualisht në zonën al-Maëasi. Përfundimisht, e gjithë popullata e Gazës do të strehohej atje dhe Izraeli do të zbatojë "planin e emigrimit", tha ministri. Që kur Donald Trump sugjeroi në fillim të vitit që një numër i madh palestinezësh të largohen nga Gaza për të "pastruar" rripin, politikanët izraelitë, përfshirë kryeministrin Benjamin Netanyahu, kanë promovuar me entuziazëm deportimin e detyruar, duke e paraqitur shpesh atë si një projekt amerikan. Skema e Katz, sipas ekspertëve, shkel ligjin ndërkombëtar. Sipas tyre, Katz ka hartuar një plan operativ për një krim kundër njerëzimit pasi bëhet fjalë për zhvendosjen e popullatës në skajin më jugor të Rripit të gazës në përgatitje të dëbimit jashtë territorit. Katz paraqiti planin e tij për Gazën pak para se Netanyahu të mbërrinte në Uashington DC për të takuar presidentin donald Trump, ku sic është thënë, ai do të vendosej nën presion për të pranuar një marrëveshje armëpushimi që do ti jepte fund ose do të ndalte luftën 21 mujore.