Të paktën 39 persona humbën jetën në Gaza si pasojë e sulmeve izraelite. Ushtria bombardoi gjatë orëve të para ë mëngjesit të 24 prillit pothuashe të gjithë Rripin e Gazës. Krahas raketave të lëshuara, Izraeli ngriti në ajër dhe flotën e avionëve të cilët shkatërruan të gjithë objektivat. Izraeli i dha fund armëpushimit me Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evropian – dhe rinisi luftën e tij ajrore dhe tokësore afro një muaj më parë. Izraeli po ashtu që nga fillimi i marsit ka bllokuar furnizimet me ushqim dhe importe të tjera për territorin ku jetojnë 2 milionë palestinezë, me qëllim që t’i bëjë presion Hamasit për lirimin e pengjeve. Hamasi ka thënë se do të lirojë 59 pengjet e mbetura – 24 prej të cilëve besohet se janë gjallë – vetëm në këmbim të lirimit të të burgosurve palestinezë, të një armëpushimi afatgjatë dhe në këmbim të tërheqjes së plotë të Izraelit. Në anën tjetër, Izraeli është zotuar se do ta shkatërrojë Hamasin, shkruan Radio Evropa e Lirë.