Mund të ketë shumë shpejt një fund të gëzuar historia e Sohail Ahmadit, foshnjes afgane që prej muajsh rezulton e zhdukur pasi iu besua nga prindërit një marinsi amerikan në aeroportin Hamid Karzai në Kabul, gjatë tërheqjes kaotike nga afganistani, verën e kaluar. Sipas Times, fëmija është gjetur dhe do të niset tani drejt amerikës për tiu bashkuar prindërve të tyre. Foshnja që tani është gjashtë muajshe, është tani e sigurt, pasi sic raportohet i ka shpëtuar edhe një tentative për rrëmbim. Për të është kujdesur këto muaj një taksist në kabul, shkruan e përditshmja londineze. Prindërit e tij, Mirza ali Ahmadi dhe bashkëshortja e tij, Suraja, 35 dhe 32 vjec, prej muajsh kanë lëshuar apele me shpresën se do ta rigjenin foshnjën. Me ngjarjen është marrë një organizatë jo qeveritare, që disa ditë më parë kishte folur për një pistë shumë të besueshme në të cilën po punonte. Cifti Ahmadi ishte në aeroportin e Kabulit më 19 gusht për tu larguar nga vendi pas ardhjes në pushtet të talebanëve. Të përfshirë nga turma, ata ia kishin besuar foshnjen e tyre një ushtaraku amerikan me frikën se ai do të shtypej nga turma, duke menduar se shumë shpejt do të ribashkoheshin. Por që nga ai moment, nuk kishin patur më asnjë lajm. Më pas, cifti ishte evakuuar bashkë me katër fëmijët e tyre, duke arritur në Fort Bliss, në Teksas pas një udhëtimi të gjatë me ndalesa fillimisht në katar e më pas në gjermani.