Italia beson se ajo duhej të kishte dhënë autorizimin për blerjen e një kompanie që prodhon dronë ushtarakë nga ana e investitorëve kinezë dhe do të bëjë për këtë një ankesë që mund të cojë edhe në rrëzimin e kontratës nëse nuk do të ketë shpjegime të kënaqshme. Roma nisi një hetim në gusht të 2018-ës për shitjen e 75 për qind të aksioneve të Alpi Aviation, me bazë në italinë veriore, për të zbuluar nëse ajo duhej të ishte njoftuar për transaksionin nën rregulloret e posacme për asetet strategjike dhe të rëndësishme. Shitja tregoi se sa e lehtë është që ndryshimet në pronësinë e korporatave të vendosen nën radarin e autoriteteve në një kohë kur presionet po rriten në shba dhe evropë për të monitoruar rreziqet e mundshme mbi sigurinë kombëtare nga investitorët kinezë. Kërkesa e autoriteteve italiane për shpjegime, drejtuar investitorëve kinezë për rastin në fjalë, nuk ka marrë përgjigje. Italia e ka përdorur disa herë deri më tani fuqinë e saj për të bllokuar interesat e huaja në vend.