Italia ka keq informuar organizatën botërore të shëndetësisë për gadishmërinë e saj në përballjen me një pandemi, më pak se tre javë para se rasti i parë i koronavirusit të konfirmohej në vend. Cdo vit, vendet, janë të detyruara ti organizatës një raport vetëvlerësues të statusit të gadishmërisë së tyre para një emergjence shëndetësore. Raporti i fundit i paraqitur nga italia, ishte ai i 4 shkurtit 2020. Sic shkruan Guardian, autori i raportit e vendos italinë në nivelin 5, në renditje, që është edhe statusi më i lartë i gadishmërisë.Kjo kategodi nënvizon që mekanizmi i koordinimit të reagimit të sektorit shëndetësor në emergjenca dhe sistemi i menaxhimit të tyre i lidhur me një qendër operacionale kombëtare, janë testuar dhe rifreskuar rregullisht. Sidoqoftë, është bërë e ditur vitin e kaluar, se italia nuk e ka rishikuar planin e saj kombëtar në rast pandemish që nga 2006, një faktor ky që mund të ketë kontribuar për të paktën 10 mijë viktima të koronavirusit gjatë valës së parë dhe që është një element kryesor në hetimin mbi gabime të mundshme të autoriteteve, që ka nisur nga prokurorët në Bergamo. Në një analizë të raportit të vetë vlerësimit, të kryer nga Pier Paolo Lunelli, një gjeneral në pension i ushtrisë, 60 nga 70 përgjigje të dhëna nga italia, janë gjykyar të pabaza. Lunelli shkruante në analizën e tij, se raporti përbën një mal provash që flasin për mospërgatitjen e vendit. Ne i gënjyem italianët duke pretenduar se ishim të përgatitur. Akoma më keq, ne gënjyem OBSH, BE dhe organizma të tjera duke deklaruar se kishim aftësi që në fakt nuk i kishim – shkruante ai. Italia, ishte vendi i parë evropian që u godit nga pandemia dhe ka regjistruar afro 96 mijë viktima deri më tani, shifra më e lartë në evropë kjo pas britanisë së madhe.