Top News – Italia ‘gjunjëzohet’ nga zjarret/ Digjen mijëra ha tokë. I kërkon BE avionë zjarrfikës

Të dielën, Italia u kërkoi vendeve evropiane të dërgojnë aeroplanë zjarrfikës në mënyrë që të ndalojnë përhapjen e zjarreve në disa pjesë të ishullit të Sardenjës. Ministri i Jashtëm italian Luigi di Maio shkroi në Facebook se mbrojtja civile e shtetit kishte kërkuar ndihmë, duke shprehur falënderimet për gjithçka që kishte mbërritur nga jashtë deri më tani. “Dy aeroplanë nga Franca janë në rrugën e tyre për në Sardenjë, për të cilën unë zyrtarisht ju falënderoj,” tha ai. Zjarri përfshiu provincën e Oristano në pjesën qendrore të rajonit perëndimor të ishullit italian dhe dogji mijëra hektarë tokë, dëmtoi jetën e egër dhe shkatërroi pronën. Nuk pati raportime për lëndime, por agjencia e lajmeve ANSA thotë se 400 njerëz u evakuuan nga shtëpitë e tyre sot, dhe një numër i ngjashëm i njerëzve u evakuuan një natë më parë.