3 valixhe me mbetje trupash njerezore, të gjetura në Firenze të Italisë, kanë tronditur në vendin fqinj. Por Il Fatto Quotidiano pretendon se ato mund t`i përkasin një cifti shqiptar nga Vlora, të zhdukur pa lënë gjurmë në Castelfiorentino në 2 nëntor 2015, në rrethana të paqarta, e kjo e bën një ngjarje që prek dhe opinionin publik në Shqipëri. E njëjta gazetë jep dhe emrat e të dyshuarve si viktima të këtij episodi të rëndë, që mund të jenë sipas saj Shpëtim dhe Teuta Pasho, 54 dhe 52 anni, nga të cilët nuk dihet më asgjë prej pesë vjetësh. Kjo kthesë në hetime, sipas të njëjtës media, ka ardhur falë një tatuazhi në krahun e burrit me një formë spirance dhe emrin e nje qyteti shqiptar sipër, dhe ky konsiderohet se mund të jetë një elementët për zgjidhjen e misterit. Forcat vendase te policisë, janë fokusuar pikërisht tek tatuazhi në përpjekjet e tyre për të hedhur dritë mbi zbulimin makabër. Hetuesit e verifikuan këtë informacion me të dhënat e dosjeve të personave të zhdukur. Dhe pista e para që arritën të krijonin, I vendoste pranë vendit ku u gjetën mbetjet e trupave. Cifti shqiptar u zhduk në fillimin e nentorit 2015, në Scandicci. Në 2 nëntor, e bija thoshte se kishte marrë një teklefonatë nga një numër anonim ku e ëma I thoshte se nuk donte t`I përgjigje askujt, dhe që prej atij momenti, prej tyre nuk u dëgjua më asgjë. Ishte pikërisht vajza, Dorian ajo që dha alarmin mbi zhdukjen e tyre. Ajo I telefonoi emisionit “Chi l’ha visto?” të Rai 3 dhe publikoi në rrjetet sociale foto të prindërve duke kërkuar ndihmë për gjetjen e tyre. Një tjetër element që ka tërhequr vëmendjen e hetuesve është fakti që djali I ciftit, në kohën e zhdukjes së tyre, ishte dënuar për trafik narkotikësh, dhe dënimin po e vuante pikërisht në burgun e Solliccianos. Shpetim e Teuta Pasho, vazhdonm Il Fatto Quotidiano, jetonin në Shqipëri por udhëtonin vazhdimisht drejt Italisë, ku jetonin të dy fëmijët e tyre.