Ministri i jashtëm i izraelit, Israel Katz deklaroi se nën udhëheqjen e Antonio Guterres, Organizata e Kombeve të Bashkuara është shndërruar në një organ antisemitik dhe anti izraelit, që mbështet terrorin. Reagimi i shefit të diplomacisë izraelite, vjen pas vizitës së sekretarit të përgjithshëm të OKB-së Antonio Guterres në Rafah. Në reagimin e tij në Tëitter, ministri i jashtëm izraelit, shkruan se Guterres fajësoi Izraelin për situatën humanitare në Gaza, pa dënuar në asnjë mënyrë terroristët e Hamas-ISIS që grabisin ndihmën humanitare, pa bërë thirrje për lirimin e menjëhershëm dhe pa kushte të të gjithë pengjeve izraelitë. Sekretari i Përgjithshëm i OKB-së, António Guterres vizitoi kufirin e Egjiptit me Gazën, pasi kryeministri izraelit Netanyahu u zotua të dërgonte forca në Rafah pranë atij kufiri, pavarësisht paralajmërimeve nga udhëheqësit e SHBA-së. Shefi i OKB-së përsëriti lutjet për një armëpushim në Gaza, pasi Këshilli i Sigurimit i OKB-së dështoi të miratonte një rezolutë që kërkonte një armëpushim. Rusia dhe Kina vunë veton ndaj rezolutës.