Dinamika e ngjarjes që tronditi kryeqytetine Kosovës nuk është zbardhur ende plotësisht. Por Indeksonline thotë se vrasja e Albert Krasniqit nga babai I tij, ka ardhur si pasojë e një grindjeje mes tyre. Sipas kësaj media, ka qenë viktima që ka sulmuar e para të atin, Skënder, I cili thuhet të ketë qenë luftëtar I UCK-së. Ky I fundit po I bënte presion për t`u dorëzuar në polici pasi forcat e rendit po e kërkonin. Zëdhënësja e Policisë së Kosovës për rajonin e Prishtinës, Flora Ahmeti i tha Radios Europa e Lirë se menjëherë pas marrjes se informatës, policia ka dalë në vendin e ngjarjes dhe ka ndërmarrë veprimet e nevojshme. Ajo bëri të ditur se personi I konsideruar si autori I ngjarjes tashmë është prangosur dhe arma e krimit, është konfiskuar. “Aktualisht jemi në fazën fillestare të ndërmarrjes së veprimeve hetimore dhe atyre të ekzaminimit te vendngjarjes ne funksion t ndriqimit të plotë të këtij rasti”, tha Ahmeti.