Ish-drejtuesit e Ushtrisë Clirimtare të Kosovës duket se do të lirohen nga paraburgimi në Hagë pas më shumë se një viti, për t’u gjykuar në gjendje të lirë. Sinjali pozotiv ka ardhur nga gjykatësi i procedurës paraprake në Gjykatën Speciale, Nicolas Guillou e ka urdhëruar Policinë e Kosovës që të japë informacione të detajuara lidhur me aftësinë e saj për ta garantuar sigurinë e mjaftueshme në rast të lirimit me kusht të katër ish-zyrtarëve. Avokatët e ish-presidentit Hashim Thaçi, ish-kryeparlamentarëve Kadri Veseli e Jakup Krasniqi, si dhe ish-deputetit Rexhep Selimi kanë kërkuar që klientët e tyre të lirohen më kusht dhe të ruhen nga Policia e Kosovës.