Zëvendëspresidenti amerikan, JD Vance, tha se presidenti Donald Trump mund të vendosë ta bëjë publike para 19 qershorit marrëveshjen kornizë për t’i dhënë fund luftës me Iranin, e cila u nënshkrua në mënyrë digjitale të hënën. Kjo marrëveshje pritet të nënshkruhet zyrtarisht gjatë një ceremonie në Gjenevë të Zvicrës më 19 qershor. Duke folur për Fox Neës, Vance theksoi se marrëveshja bazohet plotësisht në përmbushjen e kushteve, duke bërë të qartë se Irani do të ketë akses në fondet për rindërtimin e vendit, vetëm nëse i respekton plotësisht kushtet e marrëveshjes. “Iranianët nuk do të marrin asnjë qindarkë nëse nuk sillen siç duhet dhe nëse s’e ndryshojnë sjelljen e tyre”, tha Vance. Më herët, Vance tha për CNN se memorandumi i mirëkuptimit mes SHBA-së dhe Iranit është “rreth një faqe e gjysmë” në volum dhe e cilësoi atë si dokument “shumë të përgjithshëm”.