Një britanik që pretendonte se ishte mbajtur peng dhe ishte torturuar nga një bandë në itali, është akuzuar nga ata që i akuzoi si rrëmbyes, se kishte inskenuar gjithcka që të shlyente borxhet. Patrik Sam Kourosh Demilecamps, 25 vjec, pretendoi se ishte me pushime në Itali kur u rrëmbye dhe u mbajt peng për tetë ditë nga një grup, tre burra dhe një grua, që kërkonin 7 mijë euro harac nga familja e tij e pasur. Policia mundi ta gjurmonte atë në një apartament në rajonin e Marches dhe arrestoi katër persona nën akuzat për rrëmbim dhe shantazh. Por sipas mediave italiane, një nga të dyshuarit i tha një gjykatësi se rrëmbimi ishte kryer në mënyrë që britaniku të merrte 7 mijë euro nga prindërit e tij për të paguar njuë borxh që i kishte grupit. “Nuk ishte një rrëmbim i vërtetë por një sajesë për të bindur familjen e anglezit që ti dërgonte atij 7 mijë euro për të paguar borxhin”, tha i akuzuari para gjykatësve në Macerata.