Aleatët e NATO-s "nuk duhet" të dëgjojnë kërcënimet bërthamore të Vladimir Putint sepse aleanca është e fortë dhe mund t'i përgjigjet çdo kërcënimi, thotë shefi i ri i saj, në një intervistë për Sky Neës. Mark Rutte tha se një stërvitje e përvitshme bërthamore e vendeve anëtare të NATO-s, që fillon javën e ardhshme, u dërgon një mesazh të qartë kundërshtarëve "se ne jemi të gatshëm t'i përgjigjemi çdo kërcënimi". Ish-kryeministri holandez foli edhe për luftën e Rusisë në Ukrainë. Ai tha se mendonte se Ukraina është më e dobët sepse asaj ende nuk i është dhënë leja nga Britania e Madhe dhe aleatët e tjerë për të përdorur armë me rreze të gjatë veprimi për të goditur objektivat brenda Rusisë. Rutte, i cili mori postin e sekretarit të përgjithshëm të NATO-s në fillim të muajit të kaluar nga Jens Stoltenberg, mbajti një takim në Doëning Street me kryeministrin Keir Starmer të enjten.