Ndonëse shifrat e infektimeve nga covid 19 prej ditësh mbetën të ulëta, janë shënuar edhe tre humbje jete gjatë 24 orëve të funidt. Ministria ë shëndëtsisë bëri të ditur se personat që kanë humbur jetën për shkak të komplikacioneve nga sëmundja janë 2 qytetarë nga Korça, 1 qytetar nga Shkodra, të moshave nga 52-83 vjeç. Tashmë numri I viktimave në 14 muja të pandemisë së koronavirusit në vendin tonë ka shkuar në 2406 persona. Ndërkaq janë shënuar edhe 92 raste të reja me covid 19, si pasojë e 2818 testimeve të kryera ndaj personave të dyshuar. Nga këto 23 raste janë shënuar në Tiranë, 8 në Korçë, 7 në Shkodër, nga 5 raste në Devoll Sarandë dhe Malësi e Madhe, nga 4 raste në Lushnje dhe Mirditë dhe më pak infektime në bashkitë e tjera të vendit. Sa I takon të shtruarve në spitale, numri i pacientëve mbetet thuajse në të njëjta nivele dhe në 2 COVID po trajtohen 111 pacientë, 17 në terapi intensive, nga të cilët 6 të sëmurë janë të intubuar. Ndërkaq edhe këtë të enjte është raportuar një numër i lartë të shëruarish, dhe janë 894 qytetarë që kanë fituar betejën me koronavirusin duke e çuar numrin e të shëruarve në 114,362 që nga fillimi i epidemisë. Që nga fillimi i pandemisë janë evidentuar 131 510 persona të prekur nga virusi.