Inspektori i Lartë i Drejtësisë ka vendosur të mos nisë hetim disiplinor ndaj prokurores së Shkodrës Elsa Gjeli, e cila u akuzua nga qeveria se nuk nisi hetim për ndërtimin pa leje në zonën e Thethit. Në një letër drejtuar ministrisë së Drejtësisë më 17 shtator, ILD njofton se kërkesa për hetim është arkivuar, pasi verifikimet paraprake nuk gjetën elementë të mjaftueshëm për nisjen e procedurës. “Nuk konstatohen elementë juridikë apo faktikë të cilët i krijojnë Inspektorit të Lartë të Drejtësisë një dyshim të arsyeshëm për fillimin e hetimit disiplinor ndaj magjistrates Elsa Gjeli me detyrë prokurore në Prokurorisë pranë Gjykatës së Shkallës së Parë të Juridiksionit të Përgjithshëm Shkodër. Për këtë arsye, është vendosur arkivimi pas verifikimit të ankesës tuaj”, thuhet mes tjerash në letrën e drejtuar ministrisë së Drejtësisë.