Është zbardhur ngjarja e ndodhur në fshatin Rrjoll të Shkodrës, ku iu vendos lëndë eksplozive një lokali. Grupi hetimor ka identifikuar dhe vënë në pranga njëri nga autorët e dyshuar të vendosjes së lëndës eksplozive. Në prangat e policisë ka rënë Erison Gjeka, i cili rezulton me precedent të theksuar kriminal në fushat e krimeve kundër personit dhe pronës. Sakaq vijon puna për identifikimin dhe kapjen e autorit tjetër të kësaj ngjarjeje si dhe të shtetasve të tjerë që mund të jenë përfshirë. Autori i arrestuat akuzohet për veprat penale shkatërrimi i pronës me eksploziv dhe mbajtja pa leje dhe prodhimi i armëve, armëve shpërthyese dhe i municionit të kryera në bashkëpunim. Nga hetimet dyshohet se Erison Gjeka, në bashkëpunim me një person tjetër, më datë 30 korrik të këtij vitit në fshatin Rrjoll, kanë hedhur një sasi lënde eksplozive në tarracën e një lokali, duke shkatuar dëme materiale.