Një 34-vjeçar humbi jetën pasditen e së shtunës në zonën e Astriti në Tiranë. Policia thotë se viktima u godit katër herë me thikë për motive të dobëta. Viktima është identifikuar si Amaraldo Hoxhallari, ndërsa autori i dyshuar shtetasi Darmian Keli, 25-vjeç. Ngjarja ka ndodhur rreth orës 19:00 në bulevardin e Kasharit, ku viktima dhe autori i dyshuar, Darmian Keli janë përballur me njëri-tjetrin. Burime për Top Neës pohojnë se 34-vjeçari një ditë më parë ka ngacmuar të fejuarën e autorit. Ky i fundit, një ditë më vonë është përplasur me viktimën në rrugë duke e goditur katër herë me thikë. Dy goditje fatale kanë qenë në gjoks, ndërsa dy të tjera në këmbë. Viktima është shoqëruar me shenja jete në spitalin e Traumës, por për shkak të plagëve të marra ka ndërruar jetë sapo ka mbërritur. Ndërkohë, policia po punon per kapjen e autorit te dyshuar, Darmian Keli.