Hyjnë në fuqi sanksionet ndaj Kosovës të vendosura nga Bashkimi Europian, për shkak të situates së krijuar në veri të vendit dhe mos marrjes së masave për depërshkallëzimin e situatës. Lajmi është bëri I ditur nga një zëdhënës I Bashkimit Europian për Klan Kosova, ku theksohet se sanksionet se për këto sanksione është njoftuar shteti I Kosovës që më date 28 qershor. “Kemi pezulluar përkohësisht punën e organeve të Marrëveshjes së Stabilizim Asociimit. Kosova gjithashtu nuk do të ftohet në ngjarje të nivelit të lartë dhe vizitat dypalëshe do të pezullohen, përveç atyre të fokusuara në adresimin e krizës në veri të Kosovës në kuadër të Dialogut të lehtësuar nga BE-ja. Programimi i fondeve për Kosovën në kuadër të ushtrimit programor IPA 2024 është vënë gjithashtu në pritje”, thuhet ndër të tjera nga BE. Sipas po këtij zëdhënësi, emri I të cilit nuk bëhet I ditur, thuhet se “Propozimet e paraqitura nga Kosova në kuadër të Kornizës së Investimeve të Ballkanit Perëndimor (WBIF) nuk janë dorëzuar për shqyrtim në Bordin e WBIF më 29-30 qershor. Komisioni ka njoftuar autoritetet e Kosovës më 28 qershor”. Po ashtu bëhet e ditur se masat e marr ndaj Kosovës janë të përkohëshme në varësi të zhvillimeve në veri, teksa po monitorohet edhe Serbia. “BE-ja po monitoron gjithashtu nga afër përmbushjen e kërkesave tona nga Serbia dhe është e gatshme të marrë masa në rast të mospërputhjes”, thuhet në përgjigje. Po ashtu theksohet se dhuna është e papranueshme për BE-në dhe bën thirrje për shtensionim të situates.