Qeveria hungareze ka njoftuar për masa më të rrepta kundër pandemisë pasi autoritetet raportuan shtrime rekorde në spitale dhe vdekje të shkaktuara nga COVID-19. Në një video të postuar në Facebook më 9 nëntor, kryeministri, Viktor Orban tha se do të vendoset orë policore prej orës 8 të mbrëmjes deri në 5 të mëngjesit dhe se kjo masë do të zbatohet ndaj të gjithëve, përveç atyre që shkojnë në punë. Bizneset do të duhet të mbyllen në orën 7 të pasdites, ndërsa restorantet do të kufizohen vetëm në shërbimin e dërgimit dhe shpërndarjes nëpër shtëpi të produkteve, ngjarjet sportive do të mbahen pa tifozë, dhe tubimet familjare dhe ngjarjet e tjera private do të kufizohen në 10 persona. Kopshtet parashkollore, kopshtet dhe shkollat për fëmijë deri në 14 vjeç do të mbeten të hapura, por universitetet dhe shkollat e mesme do të kalojnë në mësimin në distancë. Vendimi do të fillojë të zbatohet nga mesnata e 10 gushtit. Kufizimet e reja do të qëndrojnë në fuqi për të paktën 30 ditë. Autoritetet shëndetësore raportuan për 5,162 raste të reja dhe 55 viktima të hënën. "Nëse numri i të infektuarve me koronavirus rritet me ritmin aktual... spitalet hungareze nuk do të jenë në gjendje të përballojnë barrën", tha Orban. Vec hungarisë, edhe Portugalia ka vendosur ndalimin e qarkullimit gjatë natës. Ajo ka nisur gjendjen e emergjencës që do të zgjasë të paktën dy javë. Ndalimi i qarkullimit prej 70 për qind të popullatës dhe do të aplikohet edhe në lisbonë dhe porto. Në ditë javë ndalimi i qarkullimit nis në 23.00 dhe mbaron në orën 5.00 por në fundjava, nis në 13.00 deri në orën 5.00. Pamjet: AFP