Një aksident i rëndë është shënuar këtë të premte në Kosovës, ku për pasojë ka humbur jetën një person dhe një tjetër ka mbetur i plagosur në gjendje të rëndë. Sipas të dhënave paraprake, mësohet se viktimë e aksidentit ka mbetur vëllai i këngëtarit të njohur, njëherësh fitues i Big Brother VIP 4, Besart Kelmendi, i njohur me emrin e artit ‘Gjesti’. Eldion Kelmendi, ka qenë duke drejtuar një motoçikletë në të cilën ndodhej edhe një shok i tij, në momentin kur është përplasur me një automjet, e për pasojë, ka humbur jetën në vend. Personi tjetër, i cili ndodhej në motor së bashku me të ndjerin, mësohet se është dërguar me urgjencë në spitalin e Pejës, ku gjendja e tij është paraqitur shumë e rëndë, e për këtë është bërë transportimi i tij drejt Qendrës Klinike Universitare të Kosovës në Prishtinë, për një trajtim më të specializuar.