Pronarët e anijeve nuk do të rifillojnë tranzitin nëpër Ngushticën e Hormuzit për javë të tëra derisa të jenë të sigurt se marrëveshja SHBA-Iran është “materiale”, tha drejtori ekzekutiv i Mitsui O.S.K. Lines, të Japonisë, për Financial Times. Lufta e Iranit që filloi më 28 shkurt me sulmet e SHBA-së dhe Izraelit ndaloi kryesisht transportin përmes rrugës së tranzitit për rreth një të pestën e furnizimit botëror me naftë dhe gaz natyror të lëngshëm, së bashku me produkte të tilla si alumini dhe ureja. Mitsui është një nga tre firmat e mëdha të transportit detar të Japonisë, ka një flotë prej më shumë se 900 anijesh, duke përfshirë transportues të mallrave me shumicë, cisterna dhe tragete. "Ajo që duhet nuk është vetëm një marrëveshje e thjeshtë mes vendeve përkatëse, por duhen edhe garanci në mënyrë që linjat detare të mund të ndihen rehat për të kaluar nëpër të", thanë zyrtarët për FInancial Times para se Presidenti amerikan Donald Trump të shpallte një marrëveshje për t'i dhënë fund luftës në Iran. "Duke pasur parasysh përvojat në dy muajt e fundit, mendoj se është e arsyeshme të supozohet se mund të duhen të paktën disa javë ose nëse jo një muaj", tha shefi i Mitsui për gazetën. Presidenti Donald Trump tha më herët në një postim në Truth Social se anijet e ngarkuara me naftë po fillojnë të lëvizin në ngushticë.