Ekipi i OBSh që po bën hetime për origjinën e koronavirusit, vizitoi të dielën tregun famëkeq, që njihet si pika e përhapjes së virusit dhe që coi në izolimin drastik 76 ditor të Ëuhanit, vitin e kaluar. Ekipi ka mundur të vizitojë nga afër pjesë të ndryshme të tregut Baishazhou, një nga tregjet ku shiten kafshë të egra, më të mëdha në vuhan, të shoqëruar nga një grup i madh zyrtarësh kinezë. Ekipi, që mbledh veterinerë, virologë, ekspertë të sigurisë së ushqimeve dhe epidemiologë, ka vizituar edhe dy spitale në qendër të shpërthimit të parë në Ëuhan. Të shtunën ata po ashtu vizituan edhe një ekspozitë në muze që i është dedikuar pikërisht covidit. OBSH tha në tëitter të enjten se ekipi planifikon të vizitojë spitale dhe tregje si ai i kafshëve të egra në ëuhan, që ishte i lidhur me rastet e para. Po ashtu, OBSH ka përfshirë në listë edhe institutin e Virologjisë në Ëuhan dhe laboratorët në disa qendra, përfshirë atë të qendrës për kontrollin e sëmundjeve në Ëuhan. Misioni është ngarkuar sidoqoftë ne nota politike pasi Kina kërkon të shfajësohet për akuzat për hapa të gabuar në reagimin fillestar të saj nga shpërthimi. Një vizitë e vetme nga shkencëtarët ka pak gjasa të konfirmojë origjinën e virusit pasi për të dalë në një përfundim normalisht do të duheshin vite kërkimi. Qeveria kineze ka promovuar teori, jo shumë të mbështetura, sipas të cilave shpërthimi mund të ketë nisur me importin e ushqimeve të detit të ngrira, të kontaminuara, një nocion ky që gjerësisht refuzohet nga shkencëtarët ndërkombëtarë dhe agjencitë e ndryshme.