Kryeministri britanik Keir Starmer akuzoi Vladimir Putinin se po zvarrit armëpushimin e propozuar me Ukrainën, ndërsa presioni ndërkombëtar është rritur ndaj presidentit rus për të hyrë në bisedime. Starmer tha se kishte një kufi kohor për bisedimet pasi thirri në një samit virtual 29 liderë të huajë që ranë dakord të çonin përpara planet për një forcë paqeruajtëse në një "fazë operacionale". Starmer tha se shefat ushtarakë do të takohen në Londër të enjten për të "hartuar plane të detajuara për të mbështetur një marrëveshje paqeje dhe për të garantuar sigurinë e ardhshme të Ukrainës". Mes pjesëmarrësve në samitin virtual ishin edhe presidenti francez Emmanuel Macron dhe presidenti ukrainas Volodymyr Zelenski. Më pas, Starmer tha se ishin marrë "angazhime të reja" si për ruajtjen e paqes ashtu edhe për shtrëngimin e sanksioneve ndaj Rusisë. Herët a vonë, ai do të duhet të ulet në tryezë dhe të përfshihet në diskutime serioze, tha Starmer. “Pra, ky është momenti: le të ndalen armët, le të ndalen njëherë e përgjithmonë sulmet barbare ndaj Ukrainës dhe bini dakord për një armëpushim tani”. Ashgtu si vendet evropiane edhe australia, kanadaja dhe zelanda e re iu bashkuan thirrjes ndërkohë që edhe sekretari i përgjithshëm i NATO-s, Mark Rutte, e mbështeti atë. Takimi i së shtunës pasoi një javë intensive të diplomacisë në të cilën zyrtarët amerikanë dhe ukrainas ranë dakord për një propozim për një armëpushim të pakushtëzuar 30-ditor, i cili iu dorëzua Rusisë. Por Kremlini ka rezistuar deri më tani ndaj marrëveshjes, duke thënë se do të binte dakord për një armëpushim vetëm nëse Ukraina gjithashtu pranonte të hiqte dorë nga synimi për tu anëtarësuar në NATO dhe do ti jepte një pjesë të territorit të saj Rusisë.