Hëna e Saturnit Enceladus ka rryma oqeanike të ngjashme me ato në Tokë, pohon Ana Lobo, e diplomuar në Institutin e teknologjisë në Kaliforni. Trupi i vogël qiellor është i mbuluar me kilometra akull, gjë që e bën sipërfaqen e tij më reflektuese në Sistemin Diellor. Prania e ujit nën sipërfaqen e akullt dhe disa përbërësve kimikë e bën Enceladus një nga satelitët më të dëshirueshëm për shkencëtarët mbi studimet e tyre për jetë jashtëtokësore. Në hipotezën e saj Lobo u mbështet në të dhënat e marra nga sonda Cassini - e cila shqyrton Saturnin dhe sistemin e tij, unazën dhe satelitët e planetit. Ashtu si oqeanet në Tokë, ai në Enceladus është i kripur. Hëna e Saturnit është një nga shënjestrat më të rëndësishme për shkencëtarët në kërkimin e jetës jashtëtokësore. Një tjetër kandidat është edhe hëna e Jupiterit Europa, e cila thuhet se ka më shumë ujë sesa të gjithë oqeanet e Tokës. Sidoqoftë, në mënyrë që një trup qiellor të mbajë jetën duhet të ketë disa përbërës kimikë - karbon, hidrogjen, azot, oksigjen, fosfor dhe squfur. Cassini tregoi se Enceladus I ka gati të gjithë këta përbërës. NASA aktualisht po teston një prototip të një roboti të quajtur Buoyant Rover për Eksplorim Nën Akull (BRUIE), të cilin agjencia hapësinore planifikon ta dërgojë në Enceladus dhe Evropa për të kërkuar jetë.