Grupi në Facebook “Mia Moglie”, ku meshkujt ndanin foto intime të bashkëshorteve, të fejuarave, partnerëve ose grave të pa dijshme për t’i ekspozuar ndaj dhunës dixhitale të 32 mijë përdoruesve të grupit, është vetëm maja e ajsbergut. Shumë grupe online, në platformat sociale ose mesazhe, shpërndajnë foto dhe video intime të grave pa pëlqim, duke i kthyer ato në objekt dhune dhe abuzimi thone mediat italiane. Barbara Strappato, drejtoreshë e Shërbimit të Policisë Postale dhe Sigurisë Kibernetike, shpjegon se janë pranuar 2,800 denoncime për grupin kryesor dhe rreth 300 për një dhjetëra grupe të ngjashme. “Denoncimet vazhdojnë të mbërrijnë”, tha Strappato, duke theksuar se autoritetet monitorojnë situatën dhe fluksin e përdoruesve nga grupi i mbyllur tek grupet e vegjël të krijuara më pas. Hetimet vazhdojnë dhe sapo Meta të ofrojë të dhënat e përdoruesve të grupit “Mia Moglie”, do të mund të ndërmerren veprime të drejtuara. Strappato thekson se shumica e grave janë të lidhura me marrëdhënie martesore dhe fëmijë, duke e bërë të vështirë paraqitjen e padive, madje edhe kur janë viktima të krimeve serioze. Avokatja Marisa Marraffino, eksperte e privatësisë dhe krimeve online, thotë se rasti tregon dështimin e algoritmeve të rrjeteve sociale. Autoritetet italiane mbyllen edhe nje forum ku foto të politikanëve gra italiane janë publikuar, në disa raste të modifikuara dhe komentuar me fraza seksiste ose ofenduese. Në mesin e viktimave janë emra të njohur si kryeministrja Giorgia Meloni, Elly Schlein dhe shume gra politikane te tjera. Dhuna online nuk prek vetëm gratë: viktima janë edhe të miturit dhe personat më të pambrojtur, si të sëmurët apo të paaftët. Ndërkohë, perceptimi i impunitetit kolektiv nxit fenomenin, por asgjë në internet nuk mund të konsiderohet neutrale.