Qindra vajza të rrëmbyera nga një shkollë në nigerinë veriperëndimore javën e kaluar, janë cliruar. Presidenti i nigerisë, Muhammadu Buhari shprehu gëzimin për lirimin e tyre dhe i kërkoi forcave të sigurisë të gjurmojnë dhe të kapin rrëmbyesit e tyre, pasi Nigeria doli nga rrëmbimi i katërt në masë në më pak se tre muaj. Autoritetet thanë fillimisht se 317 vajza ishin rrëmbyer nga persona të armatosur, që njihen si banditë, pasi hynë në një shkollë vajzash në një fshat të largët, të premten. Por, zyrtarët thonë tani se numri i të rrëmbyerave ishte 279 dhe se asnjë prej tyre nuk mungonte. Ata thanë se vajzat ishin liruar me ndihmën e banditëve të penduar. Ato do të marrin tani kujdes mjekësor në mënyrë që të rikthehen sa më shpejt pranë familjeve të tyre dhe në shkollë po ashtu. Zyrtarët i bënë apel prindërve të mos lejojnë që incidenti ti dekurajojë që të dërgojnë fëmijët në shkollë. Bandat e armatrosura në nigerinë veri perëndimore dhe atë qendrore kanë intensifikuar sulmet vitet e fundit, rrëmbimet për harace, përdhunimet etj. Në dhjetor më shumë se 300 djem u rrëmbyen nga një shkollë në një tjetër rajon. Ata më pas u liruan por incidenti ndezi shumë zemërim duke kthyer në kujtesë rrëmbimin e 276 vajzave nga xhihadistët në qytetin verilindor të Chibokut, në 2014. Pamjet: AFP