Kandidatja demokrate për zëvendëspresidente, Kamala Harris ka ndaluar udhëtimet e saj për fushatë, deri të hënën, pasi dy pjesëtarë të stafit të saj rezultuan pozitivë për koronavirus. Asnjë prej ndihmësve nuk ka patur kontakt të ngushtë me kandidatët në 48 orët para testit pozitiv, thanë zyrtarët. Harris do të fluturonte drejt Karolinës së veriut, të enjten. Pavarësisht se senatorja nuk ka patur kontakt të ngushtë me asnjë prej pjesëtarëve të stafit që rezultuan pozitiv, në linjë me angazhimet tona të fushatës, ne po anulojmë udhëtimet e senatores harris – tha menaxherja e fushatës së Biden, Jen O Malley Dillon. Një javë më parë, harris dhe Biden u shfaqën së bashku në arizona ku patën shfaqje të shumta në publik dhe intervista. Zyrtarët thanë se Harris kishte fluturuar me të dy pjesëtarët e stafit që rezultuan pozitivë, por të gjithë kishin mbajtur maska gjatë fluturimit dhe kishin respektuar distancimin social. Harris i është nënshtruar testimit dy herë që nga 8 tetor, dhe hera e fundit që rezultoi negative ishte 14 tetori. Fushata e demokratit Biden e ka bërë sigurinë e shëndetit një pjesë të dukshme të strategjisë së saj, në një përpjekje për të nxjerrë në pah kontrastin me presidentin Trump. Një numër republikanësh dhe pjesëtarësh të stafit të shtëpisë së bardhë, përfshirë edhe vetë Trump, kanë rezultuar pozitivë për koronavirus javët e shkuara.