Grupi Parlamentar i Partisë Demokratike vendosi këtë të enjte, që të ndërmarrë hapat procedurialë për të shkarkuar kreun e Kuvendit, me pretendimin se ka kryer shkelje të Kushtetutës në të paktën 2 prej seancave plenare. E krahas këtij vendimi, deputetët demokratë janë bërë bashkë edhe në kërkesën drejtuar Kuvendit, për rimbajtjen e seancës parlamentare të prezantimit të programit qeverisës dhe ministrave të rinj, e një herësh kërkojnë nga Presidenti I Republikës Bajram Begaj, të mos ftojë kryeministrin dhe kabinetin e tij për tu betuar. Por ky është vetëm hapi i parë, i rrugës që tashmë duket se pret Partinë Demokratike e opozitën në tërësi. Krahas luftës betejës institucionale me maxhorancën socialiste, demokratët kanë diskutuar edhe mundësinë e protestave, referuar edhe kërkesës së kryevemokratit për veprim të fortë kundër qeverisë. Burime bëjnë me dije, se protestat janë një prej opsioneve, nëse rruga institucionale nuk do të sjellë rezulatat përballë maxhorancës. Për këtë demokratët do të duhet të mobilizojnë paraprakisht strukturat. Kalimi I menjëhershëm në protesta, do të ishte një hap ekstrem, e për këtë është vendosur të ezaurohen të gjithë hapat njëri pas tjetrit.