Është hapur pas 32 vjetësh porta e fortifikuar e Porto Palermos. Ky projekt i Ministrisë së Mbrojtjes synon rijetëzimin dhe rehabilitimin e të gjithë kompleksit infrastrukturor në Gjirin e Panormës për funksione ushtarake dhe civile. Ndërkohë projekti ka në fokus respektimin e normave mjedisore dhe ofrimin e kushteve sa më të larta të sigurisë lundrimore në këtë destinacion turistik. Sakaq pas këtij hapi të parë, hapi i radhës është përshtatja e objekteve të kompleksit që nuk gëzojnë më funksione ushtarake, me qëllim krijmin e një atraksioni turistik të qëndrueshëm. Projekti synon gjithashtu të rikthejë në gatishmëri teknike këto asete të Forcës sonë detare, të cilat mund të shërbejnë për qëllime stërvitjesh kombëtare dhe ndërkombëtare. Dikur tuneli shërbente si një bazë autonome për strehimin dhe kalimin e sigurt të mjeteve detare të marinës ushtarake të kohës, brenda gadishullit të Porto Palerm