Partia Demokratike e konsideron si një hap tjetër drejt çensurës, planin e maxhorancës për të hartuar një rregullore e për të mos lejuar kamerat në hollin e seancave plenare të Parlamentit, por transmetimi të jetë vetëm nëpërmjet regjisë. Ish-kryetarja e Komisionit të Medias, Ina Zhupa shprehet se ky plan është I dëmshëm për demokracinë. Pas porosisë së Ramës “kujdes nga gazetarët” vjen plani për mos lejuar gazetarët në sallën dhe në oborrin ku zhvillohen seancat plenare. Një kufizim i lirisë së medias, një monopolizim me regji i ngjarjeve brenda kuvendit nën kontrollin e mazhorancës është i dëmshëm për demokracinë. Sipas Zhupës ky është një plan që minon të drejtën e qytetarëve për t'u informuar mbi aktivitetin e deputetëve që ata kanë votuar. Në republikën e censurës së Ramës, çdo hapësirë lirie për gazetarët dhe për deputetët duhet shuar! Cdo mase e tillë këtyre të drejtave është represive dhe e prapanueshme. Dhe ne do bëjmë gjithcka për mos e lejuar, kur liria e medias është në prioritetet e Bashkimit Europian dhe pjesë e clusterit të parë. Më herët reagoi edhe Asociacioni i Gazetarëve të Shqipërisë, që u rreshtua kundër një plani të tillë, I cili ende nuk është formalizuar nga maxhoranca.