Rusia thotë se do ti mohojë hyrjen në vend disa zyrtarëve të BE dhe institucioneve në shenjë hakmarrjeje për sanksionet që më herët blloku i kish bënë asaj në lidhje me rastin e kritikut të Putinit, Aleksei Navalni. Diplomatë të lartë nga franca, gjermania dhe suedia, janë thirrur në ministrinë e jashtme ruse dhe janë njoftuar për vendimin. Një ditë më parë, Navalni publikoi një regjistrim në të cilin dëgjohej ai, që fuste në kurth një agjent të FSB-së ruse, duke e bërë atë që të zbulonte detaje të sulmit ndaj tij me agjentin nervor novichok. Ai thuajse humbi jetën në gusht. Blogeri 44 vjecar, anti korripsion, është ende nën kujdes mjekësor në berlin dhe e postoi bisedën me agjentin e FSB në kanalin e tij në Youtube, një ditë më parë. Mëngjesin e të martës, më shumë se 13 milionë njerëz e kishin parë videon. Kremlini ka mohuar në vazhdimësi ndonjë rol të mundshëm në sulmin ndaj navalnit dhe refuzon edhe akuzat e perëndimit se ai ishte helmuar me novichok, një kimikat jashtëzakonisht toksik që ekspertët thonë se mund të ketë ardhur vetëm nga një laborator shtetëror rus.