Një operacion i madh kërkimi ka nisur në të gjithë Evropën për një person që akuzohet për një nga vjedhjet më të mëdha në historinë e britanisë. Alfredo Lindley, thuhet se ka kryer një seri vjedhjesh në shtëpitë luksoze të tre personave të famshëm në dhjetor 2019, përfshirë vjedhjen prej 25 milionë paundësh britanikë në shtëpinë e trashëgimtyares së Formula 1 Tamara Ecclestone. Autoritetet italiane po ashtu e akuzojnë Lindley-n se ka bërë një grabitje edhe në shtëpinë e Patrick Vieira, tani menaxher i Crystal Palace, në 2009-ën. Lindley besohet se ndodhet në beograd. 40 vjecari me origjinë peruane, ka një dosje penale në Itali për mashtrime dhe vjedhje në identitete të ndryshme që datojnë që nga 1995-a. Informacionet tregojnë se dekadën e shkuar ai ka përdorur të paktën 19 emra të rremë, mes të cilëve, Daniel Vukovic, Ljubomir Romanov dhe Ljubomir Radosavlejic. Dokumentet tregojnë se këto identitete kanë lidhje në disa qytete evropiane, mes të cilëve Beogradi, Sarajeva, Milano dhe Zagrebi. Nën emrin Ljubomir Romanov, Lindley është shfaqur para një gjykate në Beograd më 27 gusht, për tu ekstraduar në britaninë e madhe. Rasti është ngritur nga departamenti special për krimin e organizuar në serbi. Sidoqoftë ekstradimi u refuzua nga autoritetet serbe dhe Lindley besohet se ndodhet ende në Beograd. Ai është listuar si bashkëpronar i një biznesi ndërtimi në qendër të qytetit. Sipas kartës së identitetit të lëshuar nga qeveria serbe, adresa e shtëpisë së tij është në Obrenovac, një njësi në Beograd. Policia e londrës thotë se Lindley kërkohet për tu marrë në pyetje për një seri vjedhjesh të kryera në dhjetor 2019 në Kensington dhe Chelsea. Vetëm grabitja e kryer në shtëpinë e Ecclestone, në një nga rrugët më të kushtueshme në botë, besohet se ëhstë vjedhja e vetme më e madhe në historinë e anglisë. Pjesa më e madhe e argjendarive dhe orave të vjedhura nuk u gjetën kurrë.