Greqia po forcon ndjeshëm arsenalin ushtarak dhe po blen armatime nga vendet anëtare të Bashkimit Europian për t’i bëre ballë sfidave të Turqisë në Egje. Marina greke ka njoftuar se do të pajiset me luftëanije të reja për mbikëqyrjen e hapësirës detare greke në Egje dhe sigurimin e sovranitetit grek. Sipas gazetës greke Protothema, Greqia do të blejë 4 naije italiane të tipit Doha dhe po konsideron po ashtu edhe blerjen e e fregatave nga Franca. Në të njëjtën kohë, vendi fqinj planifikon modernizimin e 350 tankeve Leopard 1A5 dhe Leopard 2A4 që ushtria ka në fuqi, program që pritet të ndërmerret nga prodhuesit gjermanë.